ఈ బ్లాగ్ లో పోస్ట చేయబడిన అన్నీ రకాల వంటలు, టిప్స్ సలహాలు కేవలం ఎడ్యుకేషన్ పర్పస్ కొసమే వాటిని ఉపయోగించే ముందు వాటికి సంబందించిన వారి మరియు డాక్టర్ సలహా తీసుకొని ఉపయోగించ మనవి.

Search This Blog

TWW FOLLOWERS

BEAUTIFUL TRADITIONAL INDIAN WOMEN PAINTING


THE HISTORY AND IMPORTANCE SRISAILA MALLANNA TEMPLE



CONVENT STUDIES


MY LIFE IS TOTALLY BORING


LORD SIVA BHAKTHI SONG WRITTEN BY SRI DEVULAPALLI KRISHNA SASTRY GARU


ఈ గీతం దేవులపల్లి కృష్ణశాస్త్రి రచించిన శివక్షేత్రయాత్ర సంగీత రూపకం లోనిది. 1959లో మహాశివరాత్రినాడు ఆకాశవాణి హైదరాబాద్ కేంద్రంనుండి ప్రసారమయింది. దీనికి సంగీతం కూర్చినది పాలగుమ్మి విశ్వనాథం. గానం చేసినది మంగళంపల్లి బాలమురళీకృష్ణ, శ్రీరంగం గోపాలరత్నం.

రాగం: మార్గహిందోళం తాళం : రూపకం (దాద్రా)

శివ శివ శివ అనరాదా
శివ నామము చేదా
శివపాదము మీద - నీ
శిరసునుంచరాదా
భవసాగర మీద - దు
ర్భర వేదన ఏదా ॥

కరుణాళుడు కాదా ప్రభు
చరణ ధూళి పడరాదా
హరహరహర అంటే మన
కరువు తీరి పోదా ॥

కరి పురుగు పాము బోయ
మొరలిడగా వినలేదా
కైలాసం దిగి వచ్చి
కైవల్యం ఇడలేదా
మదనాంతకు మీద - నీ
మనసెప్పుడు పోదా
మమకారపు తేరా స్వామిని
మనసారా కననీదా ॥

TELUGU MAHABHARATHA STORIES - STORY OF LORD SRIKRISHNA AND SATYABHAMA - SATYABHAMA PURVA JANMA VISESHALU


సత్యభామ పూర్వజన్మ విశేషాలు

సూతుడు ప్రవచించిన స్కాంద పురాణ అంతర్గత కార్తీక మహత్యాన్ని విని సంతుష్ట మానసులైన శౌనకాది కులపతులు ''సూతమునీ! లోకోత్తర పుణ్యదాయకమైన ఈ కార్తీక పురాణం స్కందమునందే కాక పద్మపురాణాంతర వర్తితమై ఉంది. దాన్ని కూడా విశదపరచమని ప్రార్ధించగా మందస్మిత వదనుడైన సూతుడు ''మునులారా! వైకుంఠుని లీలా వినోదాలు, మహిమలు వినేవారికి, వినిపించేవారికి విశేష పుణ్యాన్ని ఇస్తాయేగానీ విసుగు కలిగించవు. భక్తిప్రపత్తులతో మీరు కోరాలేగానీ గురు ప్రసాదిత శక్త్యానుసారం వక్కాణిస్తాను, వినండి..

స్కాంద పురాణంలో జనక మహారాజుకు వశిష్టులవారు ఎలా ఈ మహత్యాన్ని బోధించారో, అలాగే పద్మపురాణంలో సత్యభామకు శ్రీమన్నారాయణుడైన శ్రీకృష్ణపరమాత్మ ముఖతః ఈ కార్తీకమాస విశేషాలన్నీ వివరించబడ్డాయి.
పారిజాతాపహరణం
ఒకానొకప్పుడు నారదమహర్షి స్వర్గం నుంచి ఒక పారిజాత సుమాన్ని తెచ్చి, కృష్ణునికిచ్చి ''శ్రీహరీ! నీ పదహారువేల ఎనిమిదిమంది భార్యల్లో, నీకు అత్యంత చాలా ఇష్టమైన ఆమెకి ఈ పువ్వు ఇవ్వు'' అన్నాడు. ఆ సమయానికి రుక్మిణి అక్కడే ఉంది. నందనందనుడు నందనవన కుసుమాన్ని రుక్మిణికి కానుకగా ఇచ్చాడు.
ఈ సంగతి తెలిసిన సత్యభామ అలిగింది. 'ప్రియమైన భార్యకు ఇవ్వమంటే తనకు ఇవ్వాలే గానీ, ఆ రుక్మిణికి ఇవ్వడం ఏమిటి అని కోపించింది.
కృష్ణుడు ఆమెకు ఎంత నచ్చజెప్పినా వినిపించుకోలేదు. పారిజాత వృక్షాన్ని తెచ్చి తన పెరట్లో పాదుకొలిపేదాకా ఊరుకోనని బెదిరించింది. సత్యభామ అలుక తీర్చడమే తక్షణ కర్తవ్యంగా భావించిన శ్రీకృష్ణుడు సత్యభామా సమేతంగా గరుత్మంతుని అధిరోహించి ఇంద్రుని అమరావతి నగరానికి వెళ్ళాడు. కృష్ణుడు పారిజాత వృక్షాన్ని కోరగా, స్వర్గసంపద అయిన ఈ వృక్షాన్ని భూలోకానికి పంపేందుకు దేవేంద్రుడు ఒప్పుకోలేదు. దాంతో ఇంద్ర, ఉపేంద్రుల మధ్య ఘోరమైన యుద్ధం జరిగింది. ఎట్టకేలకు దేవేంద్రుడు తగ్గి, పారిజాత వృక్షాన్ని యాదవేంద్రునికి సమర్పించాడు. దానవాన్తకుడు దానిని తెచ్చి ముద్దుల భార్యామణి అయిన సాత్రాజితీ నివాసంలో ప్రతిష్టించాడు. అందుకు ఎంతో సంతోషించిన సత్యభామ పీతాంబరునితో చాలా ప్రేమగా ప్రసంగిస్తూ ''ప్రాణప్రియా! నేను ఎంతయినా ధన్యురాలీని. నీ పదహారు వేళ ఎనిమిదిమంది సఖుల్లో నేనే నీకు ఎక్కువ ప్రియతమను కావడంవల్ల నేను ధన్యురాలిని అయ్యాను.అసలీ జన్మలో నీ అంతటివాడికి భార్యను కావడానికి నీతోబాటు గరుడారూఢవై బొందెతో స్వర్గసందర్శనం చేయడానికి కథలుగా చెప్పుకోవడమే తప్ప ఎవరూ ఎప్పుడూ కళ్ళారా చూసి ఎరుగని కల్పవృక్షం (పారిజాతం) నా పెరటిమొక్కగా ఉండటానికి ఏమిటి కారణం? నేను నిన్ను తులాభార రూపంగా నారదునికి ధారపోసినా అలిగిన ఆవేశంలో నిన్ను వామపాదంతో తాడించినా నువ్వు మాత్రం నామీద నువ్వుగింజ అంత కోపం కూడా చూపకుండా ఇలా ప్రేమిస్తున్నావంటే అందుకు నేను గతజన్మలో చేసిన పుణ్యమే కారణం. నిన్ను ఇకముందు జన్మల్లో కూడా ఎడబాయకుండా ఉండాలంటే ఇప్పుడు నేనింకా ఏం చేయాలి?'' అంది.
అందుకు ముకుందుడు మందహాసం చేసి ''ఓ భామా! నువ్వు నన్ను కోరరానిది కోరినా, ఇవ్వలేనిదాన్ని ఆశించినా కూడాల్ ఆ వాంఛలను నెరవేర్చి నిన్ను సంతృప్తురాలీని చేయడమే నా విధి. అందుకు కారణం నీ పూర్వజన్మమే'' అంటూ ఇలా చెప్పసాగాడు.
సత్యభామ పూర్వజన్మం
కృతయుగాంతంలో ''మాయా'' అనే నగరంలో దేవశర్మ అనే వేద పండితుడు ఉండేవాడు. అతనికి లేకలేక పుట్టిన ఆడపిల్ల గుణవతి. అల్లారుముద్దుగా పెంచుకున్న ఆ పిల్లని, తన శిష్య పరంపరలోని వాడే అయిన ''చంద్రుడు'' అనేవానితో పెళ్ళి జరిపించాడు దేవశర్మ.
ఒకరోజు మామ, జామాతలిద్దరూ కలిసి సమిధలను, దర్భలను తెచ్చుకునేందుకు అడవికి వెళ్ళి అక్కడ ఒక రాక్షసుని చేత హతమార్చబడ్డారు. బ్రాహ్మణులు, ధర్మాత్ములు అయిన వారిని మెచ్చిన విష్ణుమూర్తి శైవులు గానీ, గాణాపత్యులుగానీ, సౌరవ్రతులు గానీ, శాక్తేయులు గానీ - వీరందరూ కూడా వానచినుకులు వాగులై, వంకలై తుదకు సముద్రాన్ని చేరినట్లుగా నన్ను చేరుతున్నారు. పుత్రభాత్రాది నామాలతో దేవదత్తుని లాగా నేనే వివిధ నామ రూప క్రియాదులతో అయిదుగా విభజించబడి ఉన్నాను. అందువల్ల మరణించిన మామా అల్లుళ్ళను మన వైకుంఠానికే తీసుకురమ్మని తన పార్షదులకు ఆజ్ఞాపించాడు. పార్షదులు ప్రభువాజ్ఞను పాటించారు. సూర్య తేజస్సమకాంతులతో ఆ ఇరువురి జీవాలూ వైకుంఠం చేరి, విష్ణు సారూప్యాన్ని పొంది విష్ణు సాన్నిధ్యంలోనే మసలసాగాయి.
గుణవతి కథ
పితృభర్తృ మరణవార్తను విన్న గుణవతి ఎంతగానో కుంగిపోయింది. కానీ, పోయిన వారితో తను కూడా పోలేదు గనుకా, మరణం ఆసన్నమయ్యేదాకా మనుగడ తప్పదు గనుక వేరొక దిక్కులేని ఆ యువతి ఇంట్లో ఉన్న వస్తు సంచయాన్ని అంతటినీ విక్రయించి తండ్రికి, భర్తకు ఉత్తమగతులకై ఆచరించవలసిన కర్మలను ఆచరించింది. శేషజీవితాన్ని శేషశాయి స్మరణలోనే గడుపుతూ దేహ పోషణార్థం కూలిపని చేసుకుంటూ ఆధ్యాత్మిక చింతనతో హరిభక్తిని, సత్యాన్ని, శాంతాన్ని, జితేంద్రియత్వాన్ని పాటిస్తూ ఉండేది. పరమ సదాచారులైన వారింట పుట్టి పెరిగిన కారణంగా బాల్యం నుండి అలవడిన కార్తీక వ్రతాన్ని ఏకాదశి వ్రతాన్ని మాత్రం ప్రతి ఏటా విడవకుండా ఆచరించేది.
''సత్యా! పుణ్యగణ్యాలు, భుక్తిముక్తిదాయకాలు, పుట్రపౌత్ర సంపత్ సౌభాగ్య సంధాయకాలు అయిన ఆ రెండు వ్రతాలు నాకు అత్యంత ప్రీతిపాత్రమైనవి అనే సంగతి నీకు తులుసుకదా! కార్తీకమాసంలో సూర్యుడు తులారాశిలో ఉండగా రోజూ ప్రాతఃస్నానం ఆచరించే వారి సమస్త పాపాలనూ నశింపచేస్తాను. ఈ కార్తీకంలో స్నానాలు, దీపారాధన, జాగరణ, తులసిపూజ చేసేవాళ్ళు వైకుంఠ వాసుడైన శ్రీ మహావిష్ణు స్వరూపులై భాసిస్తారు. విష్ణు ఆలయంలో శంఖం, పద్మం మొదలైన ముగ్గులు పెట్టి పూజించేవారు జీవన్ముక్తులౌతారు.
కార్తీకమాసం నెలరోజులూ లేదా కనీసం మూడు రోజులైనా పూజలు ఆచరించేవారు సర్వ దేవతలను ఆరాధించినవారౌతారు. ఇక పుట్టింది మొదలు జీవితాంతం పూజించేవారి పుణ్య వైభవాన్ని చెప్పడానికి సాధ్యం కాదు. అలాగే, ఆనాటి గుణవతి, విష్ణు ప్రియంకరులై ఏకాదశీ కార్తీక వ్రతాలను మాత్రం వదలకుండా కడు నిష్ఠతో ఆచరిస్తూ కాలం వెళ్ళదీసి, కొన్నాళ్ళ తర్వాత వయోభారం వల్ల శుష్కించి, జ్వరపడింది. అయినప్పటికీ కూడా కార్తీక స్నానం మానకూడదు అనే పట్టుదలతో నదికి వెళ్ళి, ఆ చలిలో కూడా నడుంలోతు నీళ్ళలో ఉండి స్నానంచేసే ప్రయత్నం చేస్తూ ఉంది. అంతలోనే ఆకాశం నుండి శంఖ చక్ర గదా పద్మాదులు చేతబూని, విష్ణుదూతలు పుష్పకవిమానంలో వచ్చి గుణవతిని అందులో చేర్చి దివ్య స్త్రీలచేత సేవలు చేయిస్తూ తమతో బాటుగా వైకుంఠానికి చేర్చారు. కార్తీక వ్రత పుణ్యఫలంగా పొగలేని అగ్నిశిఖలా ప్రకాశిస్తూ ఆమె హరి సాన్నిధ్యాన్ని పొందింది.
తర్వాత శ్రీ మహావిష్ణువునైన నేను దేవతల ప్రార్థన మేరకు దేవకీ గర్భాన ఇలా కృష్ణునిగా అవతరించాను. నాతొబాటే అనేకమంది వైకుంఠవాసులు కూడా యాదవులుగా జన్మించారు. పూర్వజన్మల్లో ''చంద్రుడు'' ఈ జన్మలో అక్రూరుడు అయ్యాడు. అలనాటి దేవశర్మ సత్రాజిత్తుగా ప్రభవించాడు. బాల్యం నుంచే కార్తీక వ్రతం మీద, నామీద మనసు లగ్నం చేసిన గుణవతే నువ్వుగా.. అంతే సత్రాజిత్తు కుమార్తెవైన సత్యభామగా ఇలా జన్మించావు. ఈ జన్మ వైభోగానికి కారణం పూర్వజన్మలో నువ్వు చేసిన కార్తీక వ్రత మహిమే తప్ప వేరు కాదు. ఆ జన్మలో నా ముంగిట తులసి మొక్కను పాతిన పుణ్యానికి ఈ జన్మలో కల్పవృక్షం నీ వాకిట వెలసింది. ఆనాడు కార్తీక దీపారాధన చేసిన ఫలితంగా, ఈనాడు నీ ఇంటావంటా కూడా లక్ష్మీకళ స్థిరపడింది. అలనాడు నీ సమస్త వ్రతాచరణ పుణ్యాలను ''నారాయణేతి సమర్పయామి'' అంటూ జగత్పతినైన నాకే ధారపోసిన దానికి ప్రతిఫలంగా ఇప్పుడు నా భార్యవు అయ్యావు. పూర్వజన్మలో జీవితాంతం వరకూ కార్తీక వ్రతాన్ని విడువని భక్తికి ప్రతిగా సృష్టి ఉన్నంతవరకూ నీకు నా ఎడబాటు లేని ప్రేమను అనుభవిస్తున్నావు. సాత్రాజితీ! నువ్వే కాదు, నీలాగా ఎవరయితే కార్తీక వ్రతానుష్టాన నిష్టులూ నా భక్తగరిష్టులూ అయి ఉంటారో వారందరూ కూడా నాకు ఇష్టులై సర్వకాల సర్వావస్థల్లో తత్కారణంగా, నా వారుగా నా సాన్నిధ్యంలోనే ఉంటారు.
రాగవతీ! ఒక్క రహస్యం చెప్తాను, విను. తపోదాన యజ్ఞాదికాలను ఎన్నిటిని నిర్వర్తించిన వారైనా సరే కార్తీక వ్రతాచరణాపరులకు లభించే పుణ్యంలో పదహారోవంతు పుణ్యం కూడా పొందలేరని గుర్తుంచుకో.
పైన చెప్పినట్లుగా శ్రీకృష్ణప్రోక్తమైన తన పూర్వజన్మ గాధను, కార్తీక వ్రత పుణ్యఫలాలను విని పులకితురాలిన ఆ పూబోణి తన ప్రియమైన విశ్వంభరుడికి వినయవిధేయతలతో ప్రణమిల్లింది.


SUMATHI SATAKAM POEM ABOUT MOM AND KIDS


అమ్మా’ అని పిలిచి అన్నం పెట్టుమని అడగాలి. 
.
ఇమ్ముగ జదువని నోరును
నమ్మా యని పిలిచి యన్నమడుగని నోరున్
తమ్ముల బిలువని నోరును
గుమ్మరి మను ద్రవ్వినట్టి గుంటర సుమతీ!

భావం: --

మనిషి జ్ఞానవంతుడు కావాలంటే బాగా చదువుకోవాలి.
కన్నతల్లిని అప్యాయంగా ‘అమ్మా’ అని పిలిచి అన్నం పెట్టుమని అడగాలి.
తనకంటె చిన్నవారైన సోదరులను ప్రేమతో దగ్గరకు రమ్మని పిలవాలి.
ఈ పనులనన్నిటినీ నోటితోనే చేయాలి.
ఈ మూడు పనులనూ సరిగా చేయని నోరు... కుమ్మరి కుండలను తయారుచేయటానికి ఉపయోగించే మట్టి కోసం తవ్వగా ఏర్పడిన గొయ్యి వంటిది.
మానవులకు మాత్రమే నోటితో మాట్లాడే శక్తి ఉంది. ఆ శక్తిని మంచి పద్ధతిలో ఉపయోగించుకోవాలని ఈ పద్యంలో చెబుతున్నాడు కవి.

NEW YEAR CALENDAR


WHAT IS VIBHUDHI POWDER - WHAT IS THE TRADITIONAL IMPORTANCE OF VIBHUDHI IN PUJA AND IN TEMPLES


విభూతి

నెయ్యి మరియు ఇతర వనమూలికలతో కలిపి ప్రత్యేకమైన సమిధలతో భగవంతునికి హోమంలో ఆహూతిగా సమర్పించినపుడు అందులోనుంచి వచ్చిన భస్మమే విభూతి. లేదా విగ్రహానికి భస్మముతో అభిషేకము చేసిన దానిని విభూతిగా పరిగణిస్తారు. అంతే కానీ కాలిన ప్రతి వస్తువు యొక్క బూడిద విభూతిగా పరిగనించబడదు. 

విభూతిని సాధారణంగా నుదిటి మీద పెట్టుకొంటారు. కొందరు దానిని భుజాలు చాతీ మొదలైన ఇతర శరీర భాగాల మీద కూడా పెట్టుకుంటారు. కొందరు, ఆస్తికులు శరీరానికి అంతటికీ దీనిని రుద్దుకొంటారు. చాలా మంది భస్మాన్ని స్వీకరించినప్పుడల్లా చిటికెడు నోట్లో వేసికొంటారు.

విభూతిని ఎందుకు ధరించాలి?భస్మము అనే మాటకు "మన పాపాలను భస్మము చేసేది, భగవంతుడిని జ్ఞాపకము చేసేది" అని అర్ధము. "భ" అంటే భస్మము చేయడాన్ని; "స్మ" స్మరణమును సూచిస్తున్నాయి. అందువలన భస్మధారణ దుష్టత్వాన్ని నిర్మూలించి, దివ్యత్వాన్ని జ్ఞాపకం చేస్తుంది. భస్మము .. ధరించిన వారికి శోభనిస్తుంది గనుక "విభూతి" (శోభ) అనీ, దానిని పెట్టుకున్న వారిని పరిశుద్ద పరచి వారిని అనారోగ్యత, దుష్టతలనుండీ రక్షిస్తుంది గనుక రక్ష అని అంటాము.

హోమము (పవిత్రమైన మంత్రాలతో అగ్ని దేవుడికి సమర్పించే నివేదన) అహంకారము స్వార్ధ కామనలను జ్ఞానమనే అగ్నికి లేదా ఒక ఉన్నత నిస్స్వార్ధ కారణార్ధముకు ఆహుతిగా సమర్పించడానిని సూచిస్తుంది. తద్వారా వచ్చే భస్మము అటువంటి పనులు ఫలితంగా వచ్చే మానసిక పరిశుద్దతను సూచిస్తుంది. నివేదనలను, సమిధలను అగ్నిలో దహింపజేయడమనేది జ్ఞానమనే అగ్నిలో అజ్ఞానము, సోమరి తనాన్ని వదిలించు కోవడాన్ని సూచిస్తుంది. మనము ధరించే భస్మము, ఈ శరీరములో నున్న అసత్యపు తాదాత్మ్యత మరియు జనన మరణాల పరిమితుల నుంచి విడివడి స్వతంత్రుల మవ్వాలని సూచిస్తుంది. శరీరము నశించేదని, ఒకనాడది బూడిదగా అవుతుందని కూడా మనకు భస్మ ధారణ గుర్తు చేస్తుంది. అందువలన మనము దేహముపై మితిమీరిన మమకారం కలిగి ఉండకూడదు. మరణమనేది ఏ క్షణానైనా రావచ్చు. ఈ గ్రహింపు జీవితాన్ని ఉత్తమోత్తమముగా వినియోగించుకొని అభివృద్ధి మార్గాన పయనించే లాగున చేస్తుంది. అంతేకాని మరణాన్ని గురించి జ్ఞాపకము చేసే దుఃఖ భరితమైనదని అపార్ధము చేసికో కూడదు. కాలము ఎవరి కోసం నిలబడదని తెలియజేసే శక్తివంతమైన సూచిక ఈ భస్మము.శరీరమంతటా భస్మాన్ని రాసుకోనేటటువంటి పరమ శివునితో ఈ భస్మము ప్రత్యేకమైన సంబంధము కలిగి ఉంది. శివ భక్తులు భస్మాన్ని త్రిపుండ్రాకారంలో ధరిస్తారు. మధ్యలో ఎర్రని బొట్టుతో కలిపి పెట్టుకున్నప్పుడు ఆ గుర్తు శివ శక్తులను సూచిస్తుంది.

కట్టెలన్నీ(పదార్ధాలు) కాలిపోయిన తరువాత మిగిలేది బూడిద. దానికి నాశనము లేదు. అదే విధముగా లెక్కలేనన్ని నామ రూపాలతో కూడిన సృష్టి అంతా నశించినప్పుడు మిగిలి ఉండేది, నాశనము లేనటువంటి శాశ్వత సత్యము ఐన భగవంతుడు మాత్రమె.

"భస్మము" ఔషధగుణాలని కలిగి ఉంది. ఇది ఎన్నో ఆయుర్వేద మందులలో వాడ బడుతుంది. ఇది శరీరములోని అధిక శీతలతను పీల్చుకొంటుంది. జలుబు, తలనొప్పులు రాకుండా కాపాడుతుంది . భస్మాన్ని నుదుట ధరించేటప్పుడు మృత్యుంజయ మంత్రము చెప్పాలని ఉపనిషత్తులు చెపుతున్నాయి.

త్ర్యంబకం యజామహే సుగంధిం పుష్టి వర్ధనం
ఉర్వారుక మివ బంధనాత్ మ్రుత్యోర్ముక్షీయ మామృతాత్ మనల్ని పోషించేటటువంటి, మన జీవితాలలో పరిమళాలను వ్యాపింప చేసేటటువంటి త్రినేత్రధారుడైన శివుడిని పూజిద్దాము. అతడు మనల్ని దుఃఖము మరియు మరణాల సంకెళ్ళనుండి పండిన దోసకాయ తోడిమ నుండి విడిపోయే టంత సులభంగా విడిపించును గాక.

ARTICLE IN TELUGU ABOUT IMPORTANCE OF MARRI CHETTU


WHAT IS THE MEANING OF "KALPAM"


కల్పం

మనకు కాలం లెక్కింపు నిముషములు, రోజులు, వారములు మరియు నెలల రూపంలో చేస్తాం కదా! ఇంతకూ ముందు మనం మనువులు, యుగములు గురించి తెలుసుకున్నాం! ఇప్పుడు బ్రహ్మగారి సమయము గురించి తెలుసుకుందామా!

బ్రహ్మదేవుని ఒక్కరోజులో 14 మన్వంతరములు జరుగుతాయి. బ్రహ్మదేవుని ఒక్క రోజును కల్పం అంటారు. అంటే
కల్పం = 14 మన్వంతరములు
ఇటువంటి కల్పములు 30 ఐతే బ్రహ్మగారికి ఒక నెల. నెలలోని ఆ 30 రోజులకు పేర్లు మస్త్య పురాణంలో చెప్పబడ్డాయి.

అవి

01. శ్వేత
02. నీలలోహిత
03. వామదేవ
04. రత్నాంతర
05. రౌరవ
06. దేవ
07. బృహద్
08. కందర్ప
09. సద్యః
10. ఈశాన
11. తమో
12. సారస్వత
13. ఉదాన
14. గరుడ
15. కౌర
16. నారసింహ
17. సమాన
18. ఆగ్నేయ
19. సోమ
20. మానవ
21. తత్సుమాన
22. వైకుంఠ
23. లక్ష్మి
24. సావిత్రి
25. అఘోర
26. వరాహ
27. వైరాజ
28. గౌరి
29. మహేశ్వర
30. పితృ

LinkWithin

Related Posts Plugin for WordPress, Blogger...