దాశరథీ శతకం -- రామదాసు
తరువులు పూచికాయలగు దుత్కసుమంబులు పూజగా భవ
చ్చరణము సోకి దాసులకు సారములౌ ధనదాన్యరాశులై
కరి భట ఘోటకాంబర నికాయములై విరజానదీ సము
త్తరణమొనర్చు చిత్రమిది దాశరధీ కరుణాపయోనిధీ !
భావము :
దశరధపుత్రా కరుణా సముద్రా రామా ! చెట్లు పూలు పూచి ఆ పూలు కాయలుగా మారును. ఆ పూవులు కోసి పూజకై నీ చరణములు సోకిన నీ భక్తులకు ధన ధాన్యములు, చతురంగబలములు ఏర్పడి విరజా నదిని దాటించును. అటులనే నన్ను కుడా ఈ సంసారమను విరజా నదిని దాటింపుము.