కోడిగుడ్డు తంటసం
తంటసం అంటే చిమ్మట. వెంట్రుకలను లాగటానికి వాడేది. నున్నగా ఉండే కోడిగుడ్డుపై లాగటానికేమీ లేదు. మనకు కనిపించకపోయినా, ఏమో ఉండకపోతుందా అన్న అనుమానంతో ప్రయత్నించే ప్రబుద్ధులూ లేకపోలేరు. ఏమీ లేని చోట ఏదో ఒకటి చేసి సంపాదిద్దామనే వాళ్ళు ఎంతోమంది. కోడిగుడ్డు వెంట్రుకలు లాగి దానితో కుచ్చుల జడ వేసేవాళ్ళున్నారంటారు. సాధారణంగా ఈ బాపతు అనుమానంతో బతికే రకం. ఎవరినీ నమ్మరు, దేన్నీ నమ్మరు.. ఫలితం ఉండ దని చెప్పినా వినరు. ప్రయత్నం మానరు. వృధా శ్రమ అని దీనర్ధం.