LORD SRI KRISHNA POETRY

నీ అలకలకులుకులు నీకెంతో అందం
నీ కోపం తాపం నీకెంతో చందం 
నీఅలుకే బంగారం నీకినుకే సింగారం 

నింగినై నేలకు వాలుతానంటే 
వలదని వయ్యారంగా వారిస్తావు

తీరమై నను చేరరమ్మంటే
కెరటమై ఎగిరెగిరి పడతావు

చందమామనై చెంతకొస్తానంటే
సూర్యునిలా కన్నెర్ర చేస్తావు

ఇంపైన కెంపు పెదాలు విరిచి
మల్లెల వన్నెల వాలుజడ విసిరి

వడివడి వయ్యారి అడుగులు వేసి
నునుపైన వడ్దానం చేజారుతుంటే

నీఅలుకే బంగారం నీకినుకే సింగారం
ఆ సరస సల్లాపాలు శ్రీహరికి సంతోషం