MID DAY RECIPE SPECIAL SUNDAY PANEER EGG CURRY VERY VERY TASTY

పనీర్ ఎగ్ కర్రీ

పనీర్,ఎగ్  రెండూ పిల్లలు ఇష్టంగా తినేవే.ఈ రెంటితో సింపుల్ గా 

అయిపోయే ఈ కూర అన్నంలోకి,చపాతీ లోకీ కూడా బావుంటుంది.

కావలసిన పదార్ధాలు :




పనీర్                          100 గ్రాములు 

ఎగ్స్                            రెండు 

టమాటాలు                    రెండు 

ఉల్లిపాయ                     ఒకటి 

పచ్చిమిర్చి                   రెండు 

కరివేపాకు                    ఒక రెమ్మ 

కొత్తిమీర                      కొద్దిగా 

అల్లం తురుము             అర స్పూన్ 

వెల్లుల్లి                       రెండు రెబ్బలు 

ఉప్పు,కారం,పసుపు,నూనె,గరంమసాలా పొడి.

తాలింపుకు ఆవాలు,జీలకర్ర,శనగపప్పు,ఎండుమిర్చి. 



తయారు చేసే విధానం:




పనీర్ ను పొడిపొడిగా చిదిమి ఉంచుకోవాలి.

నూనె వేడి చేసి తాలింపు వేసి సన్నగా తరిగిన ఉల్లి,మిర్చి వేసి 

వేయించాలి.

ఇప్పుడు సన్నగా తురిమిన అల్లం,వెల్లుల్లి,కరివేపాకు వేసి వేగిన 

తరువాత టమాట ముక్కలు వేయాలి.

తగినంత ఉప్పు,కారం,పసుపు వేసి టమాటా బాగా మెత్తగా అయ్యేదాకా 

ఉడికించాలి.

ఈలోగా మరొక పాన్ లో ఒక టీ స్పూన్ నూనెలో ఎగ్స్ బ్రేక్ చేసి వేసి 

పొడిగా వేయించాలి.

టమాట మెత్తగా ఉడికిన తరువాత పనీర్ ను,వేయించుకున్న ఎగ్స్ ను

 వేసి బాగా కలపాలి.

చివరగా గరంమసాలా పొడి,కొత్తిమీర వేసి కలిపి కొంచెంసేపు వేయించి 

దింపెయ్యాలి.


ఇష్టం ఉంటే ఇందులో ఉడికించిన పచ్చిబటానీ లేదా కాప్సికం కూడా 

వేసుకోవచ్చు.