COMMON MAN'S SUMMER SPECIAL FIRST CHOICE FOR INSTANT DRINK - CHILLED SUGAR CANE JUICE - THE TASTY THUNDER DHAMAKA

ప్రస్తుత కాలంలో పట్టణాలు, నగరాల్లో కూడా షుగర్‌ కేన్‌ స్టాల్స్‌ ఏర్పడ్డాయి. మనం అక్కడ చూస్తుంటాం. చెరకు నుండి రసాన్ని వేరు చేసి అమ్ముతుంటారు. మీకు తెలియాల్సిన ఓ ఆశ్చర్యకర విషయం ఏంటంటే ఇందులో ఆరోగ్యానికి సహాయపడే చాలా ఉపయోగాలున్నాయి. ఈ సంక్రాతి రోజుల్లో ప్రతి ఇంటా చెరకు నిల్వ ఉంటుంది. పొంగల్‌ సెలబ్రేషన్స్‌లో చెరుకు అతి ముఖ్యంగా ఉపయోగిస్తారు. పండుగ తర్వాత ఈ చెరుకు గడలను పారవేయడం కంటే వాటిలో నుండి రసం తీసి మీ ఆరోగ్యానికి కావాల్సిన కొన్ని ప్రయోజనాలు పొందవచ్చు. ఈ చెరుకు రసం లో ఆరోగ్యానికి ఉపయోగపడే మినరల్స్‌, విటమిన్స్‌, మరియు యాంటీఆక్సిడెంట్స్‌ అధికంగా ఉంటాయి. పిల్లలు, పెద్దల నోరూరించే చెరకు జీర్ణక్రియను వేగవంతం చేస్తుంది. చెరకు రసంలో పొటాషియం అధికంగా ఉంటుంది.ఇది లాక్సేటివ్‌గా పనిచేస్తుంది. తక్షణ శక్తినందించడం దీని ప్రత్యేకత.కొద్దిగా నిమ్మరసం, ఉప్పు మేళవించి చేసే చెరకు రసంలో పోషకాలు కూడా అధికంగానే ఉన్నాయి. శీతల పానీయాలు, కోలాలతో పోలిస్తే ఇది నెమ్మదిగా రక్తంలోకి చేరుతుంది. శరీరంలో నీటిస్థాయి పడిపోకుండా జాగ్రత్తపడుతుంది. మూత్ర సంబంధిత ఇబ్బందులతో బాధపడే వారికి చెరకు రసం చక్కని పరిష్కారం. అంతే కాకుండా కొన్ని ప్రత్యేకమైన జబ్బులను ఇది నివారిస్తుంది. అవేంటో చూద్దాం... 1. కామెర్లకు విరుగుడు: సుగర్‌ కేన్‌ జ్యూస్‌(చెరకు రసం) కామెర్లను సహజంగా నయం చేసే ఒక ఔషధం. రక్తంలోని బిల్లిరుబిన్‌ కారణంగా కామెర్లు ఏర్పడి చర్మం పొరలుగా పసుపు రంగులోకి మారుతుంది. ఇది కాలేయ పనితీరు సరిగ్గా లేకపోవడం మరియు పిత్తాశయ వాహికలు మూసుకుపోవడం వల్ల కామెర్లకు కారణం అవుతుంది.కాబట్టి దీని నుండి బయటపడటానికి ఒక గ్లాసు చెరకు రసంకి కొద్దిగా నిమ్మరసం, ఉప్పు కలిపి ప్రతి రోజు తీసుకోవాలి. 2. ఇన్ఫెక్షన్‌(వ్యాధులు): అనేక రకాల వ్యాధులు ఉదా: డయోరియా, మూత్ర మార్గ అంటువ్యాధులు, కడుపు(జీర్ణ) లేదా గుండె సంబంధిత వ్యాధులు, లైంగిక సంక్రమణ, వాపు ఇటువంటి వ్యాధులకు చెరకు రసం తో బాగా నయం చేయవచ్చు.bవఅఱళ్‌ర సతీఱఅసఱఅస్త్ర రబస్త్రaతీషaఅవ jబఱషవ 3. కిడ్నీ(మూత్రపిండం)లో రాళ్ళు: చెరకు రసంతో ఇది చాలా ప్రభావంతమైన ఆరోగ్యప్రయోజనం. డీహైడ్రేషన్‌ వల్ల మూత్రపిండంలో రాళ్ళు ఏర్పడుతాయి. కాబట్టి ఎక్కువగా తాగడం వల్ల కిడ్నీ లో రాళ్ళు విచ్చిన్నం చేయడానికి సహాయం చేస్తుంది. ఎక్కువ ద్రవాలను మరియు చెరకు రసాన్ని తాగడం వల్ల మూత్రపిండంలో రాళ్ళు విచ్చిన్నం చేయడానికి, కరిగిపోవటానికి చెరకు రసం ఉపయోగపడుతుంది. 4. మధుమేహానికి: మధుమేహం ఉన్నవారికి షుగర్‌ కేన్‌ బాగా సహాయపడుతుంది. ఇది ముడి షుగర్‌ కన్నా లేదా ఆర్టిఫిషియల్‌ షుగర్‌ కన్నా ఈ షుగర్‌ కేన్‌ జ్యూస్‌ చాలా మంచిది. మీరు బరువు తగ్గించే పనిలో ఉన్నా లేదా డయాబెటిక్‌ షుగర్‌ కేన్‌ జ్యూస్‌ తాగడం చాలా ఆరోగ్యకరం. ఈ జ్యూస్‌ శరీరంలో రక్తంలోని గ్లూకోజ్‌ లెవల్స్‌ ను క్రమబద్దీకరిస్తుంది. 5. న్యూట్రిషియన్‌ బెనిఫిట్స్‌: శరీరంలో రోగ నిరోధక శక్తిని పెంచే విటమిన్‌ సి తో పాటుగా బి2(రైబోఫ్లావిన్‌) పుష్కలంగా అందుతుంది. అదనంగా మెగ్నీ షియం, ఇనుము, పొటాషియం, ఫాస్పరస్‌లు సమృద్ధిగా ఉం టాయి.కెలొరీలు తక్కువ.. పోషకాలెక్కువ. రుచితో పాటు అందుబాటులో కూడా ఉండే ఈ చెరకు రసంలో కార్బో హైడ్రేట్లు అపారం. 6. జలుబు, జ్వరం మరియు గొంతునొప్పి: మీరు జలుబు, దగ్గు, జ్వరంతో బాధపడుతున్నప్పుడు ఈ జ్యూస్‌ తీసుకోవడం హానికరం అని భావిస్తే అది తప్పే.ఇటువంటప్పుడు ఒక గ్లాసు షుగర్‌ కేన్‌ జ్యూస్‌ తాగడం వల్ల ఈ జబ్బుల నుండి త్వరగా ఉపశమనం పొందవచ్చు. 7. క్యాన్సర్‌ నివారిణి: ఇందులో ఆల్కలీన్‌ కలిగి ఉండటం వల్ల, చెరకు రసం ముఖ్యంగా ప్రొస్టేట్‌, కోలన్‌,ఊపిరితిత్తుల లేదా రొమ్ముక్యాన్సర్‌, క్యాన్సర్‌ కారకాలను నిరోధిస్తుంది. 8. డీహైడ్రేషన్‌: సాధారణంగా మనలో చాలా మంది ఎక్కువగా నీరు త్రాగరు. దాంతో డీహైడ్రేషన్‌ గురి అవుతుంటారు. కాబట్టి శరీరంలో నీటిని నిల్వ చేయడానికి చెరకు రసం బాగా సహాయపడుతుంది. ఇంకా వేసవి కాలంలో చెరకు రసం త్రాగడం వల్ల శరీరపు వేడిని తగ్గించి శరీరాన్ని చల్లబరుస్తుంది.