- కావలసిన పదార్థాలు
మైదా - 200 గ్రాములు, వెన్న - 50 గ్రాములు, ఉప్పు - తగినంత, నూడిల్స్‌ - 1 కప్పు, ఉల్లికాడ తరుగు - పావు కప్పు, బీన్స్‌, క్యారెట్‌, క్యాబేజీ తరుగు - పావు కప్పు, మిరియాల పొడి - పావు స్పూన్‌, అజినమోటో - చిటికెడు, నూనె - వేయించడానికి సరిపడా
తయారీ విధానం
మైదాలో ఉప్పు, వెన్న వేసి నీళ్లతో చపాతీ ముద్దలా కలపాలి. దీన్ని తడి బట్టతో కప్పి పక్కన వుంచాలి. నూడిల్స్‌ ఉడికించి మిగిలిన నీళ్లన్నీ వంపాలి. బాండీలో రెండు స్పూన్ల నూనె వేడి చేసి ఉల్లికాడ తరుగు, క్యాబేజీ, బీన్స్‌, క్యారెట్‌ తరుగు వేయించాలి. అవి మగ్గాక ఉప్పు, ఉడికించిన నూడిల్స్‌, అజినమోటో, మిరియాల పొడి వేసి కలిపితే సమోసా లోపల పెట్టుకునే నూడిల్స్‌ మిశ్రమం తయారైనట్లే. ముందుగా కలిపి పెట్టుకున్న మైదా ముద్దని చిన్న చిన్న వుండలు చేసి చపాతీలా ఒత్తుకుని సమోసా ఆకారంలో చేసుకోవాలి. దాని మధ్యలో నూడిల్స్‌ మిశ్రమాన్ని పెట్టి అంచులు మూసెయ్యాలి. ఇలా చేసుకున్న వాటిని కాగిన నూనెలో వేయించుకుంటే సరి. వేడి వేడి సమోసాలు సిద్ధం.