ఎలా నడిస్తే లాభాలంటే..!
ఇతరత్రా వ్యాయమాలకన్నా.. నడకనే ఎక్కువగా ఎంచుకుంటారు. ఆరోగ్యం కోసం నడక అనకున్నప్పుడు దానికి కొన్ని పద్ధతులు పాటించాలి. ఎలాగంటే..!
• పొట్ట తగ్గడం మీ లక్ష్యమా?
అయితే వాకింగ్‌ చేసేటప్పుడు పొట్టను లోపలికి లాగి పెట్టుకోవాలి. కానీ శ్వాస తీసుకుంటూ నడవాలి. మొదట్లో కష్టంగానే అనిపిస్తుంది కానీ.. క్రమంగా అలవాటు అవుతుంది.
* పాటలు వింటూ నడవడం వల్ల ఎక్కువ ప్రయోజనాలు ఉంటాయని అమెరికాకు చెందిన అధ్యయనకర్తలు చెబుతున్నారు. వారంలో కనీసం మూడుసార్లు ఇలా చేయడం వల్ల నడక ద్వారా మనం అనుకున్న లక్ష్యం ఇట్టే అందుకోవచ్చంటున్నారు.
* మొదట నెమ్మదిగా అడుగులు వేయాలి. ఐదు నిమిషాలయ్యాక శరీరాన్ని వేగంగా కదిలిస్తూ బ్రిస్క్‌ వాక్‌ చేయాలి. చివర్లో ఓ నిమిషం పరుగూ, మరో నిమిషం నడక చొప్పున చేయాలి. మొదటిసారి వ్యాయామం చేసేవారు నెమ్మదిగా జాగింగ్‌ మొదలుపెట్టి.. క్రమంగా పరుగెత్తేందుకు ప్రాధాన్యం ఇవ్వాలి. దానివల్ల ఎక్కువ కెలొరీలు కరుగుతాయి.
• ఎలాంటి లాభాలంటే..
* రోజులో కనీసం ఇరవై నిమిషాల నుంచి అరగంట వరకూ నడవాలి. దీనివల్ల శక్తిస్థాయులూ పెరుగుతాయని అంటున్నారు నిపుణులు. పచ్చని చెట్ల మధ్య నడిచేవారిలో ఆనందం డెబ్భై ఒక్కశాతం పెరుగుతుందని మైండ్‌ అనే సంస్థ నిర్వహించిన అధ్యయనంలో తేలింది.
* ప్రతిరోజూ నడిచేవారిలో గుండెజబ్బుల ప్రమాదం చాలామటుకూ తగ్గుతుంది. చెడు కొలెస్ట్రాల్‌ తగ్గి, మంచి కొలెస్ట్రాల్‌ పెరగడం, అధికరక్తపోటు అదుపులో ఉండటం ఇందుక్కారణం.
* నడకను వ్యాయామంగా ఎంచుకున్నవారిలో మధుమేహం వచ్చే ప్రమాదం చాలా తక్కువ. అంతేకాదు కొన్నిరకాల క్యాన్సర్ల ప్రమాదం కూడా తగ్గుతుందట. ఆరుబయట నడవడం వల్ల విటమిన్‌ డి శరీరానికి అందుతుంది. ఎముకలు దృఢంగా మారతాయి.
ఇతరత్రా వ్యాయమాలకన్నా.. నడకనే ఎక్కువగా ఎంచుకుంటారు. ఆరోగ్యం కోసం నడక అనకున్నప్పుడు దానికి కొన్ని పద్ధతులు పాటించాలి. ఎలాగంటే..!
• పొట్ట తగ్గడం మీ లక్ష్యమా?
అయితే వాకింగ్‌ చేసేటప్పుడు పొట్టను లోపలికి లాగి పెట్టుకోవాలి. కానీ శ్వాస తీసుకుంటూ నడవాలి. మొదట్లో కష్టంగానే అనిపిస్తుంది కానీ.. క్రమంగా అలవాటు అవుతుంది.
* పాటలు వింటూ నడవడం వల్ల ఎక్కువ ప్రయోజనాలు ఉంటాయని అమెరికాకు చెందిన అధ్యయనకర్తలు చెబుతున్నారు. వారంలో కనీసం మూడుసార్లు ఇలా చేయడం వల్ల నడక ద్వారా మనం అనుకున్న లక్ష్యం ఇట్టే అందుకోవచ్చంటున్నారు.
* మొదట నెమ్మదిగా అడుగులు వేయాలి. ఐదు నిమిషాలయ్యాక శరీరాన్ని వేగంగా కదిలిస్తూ బ్రిస్క్‌ వాక్‌ చేయాలి. చివర్లో ఓ నిమిషం పరుగూ, మరో నిమిషం నడక చొప్పున చేయాలి. మొదటిసారి వ్యాయామం చేసేవారు నెమ్మదిగా జాగింగ్‌ మొదలుపెట్టి.. క్రమంగా పరుగెత్తేందుకు ప్రాధాన్యం ఇవ్వాలి. దానివల్ల ఎక్కువ కెలొరీలు కరుగుతాయి.
• ఎలాంటి లాభాలంటే..
* రోజులో కనీసం ఇరవై నిమిషాల నుంచి అరగంట వరకూ నడవాలి. దీనివల్ల శక్తిస్థాయులూ పెరుగుతాయని అంటున్నారు నిపుణులు. పచ్చని చెట్ల మధ్య నడిచేవారిలో ఆనందం డెబ్భై ఒక్కశాతం పెరుగుతుందని మైండ్‌ అనే సంస్థ నిర్వహించిన అధ్యయనంలో తేలింది.
* ప్రతిరోజూ నడిచేవారిలో గుండెజబ్బుల ప్రమాదం చాలామటుకూ తగ్గుతుంది. చెడు కొలెస్ట్రాల్‌ తగ్గి, మంచి కొలెస్ట్రాల్‌ పెరగడం, అధికరక్తపోటు అదుపులో ఉండటం ఇందుక్కారణం.
* నడకను వ్యాయామంగా ఎంచుకున్నవారిలో మధుమేహం వచ్చే ప్రమాదం చాలా తక్కువ. అంతేకాదు కొన్నిరకాల క్యాన్సర్ల ప్రమాదం కూడా తగ్గుతుందట. ఆరుబయట నడవడం వల్ల విటమిన్‌ డి శరీరానికి అందుతుంది. ఎముకలు దృఢంగా మారతాయి.